شرح السنة التحضيرية

Studienkolleg
السنه التحضيريه
شرح مبسط عن السنه التحضيريه مين اللي مطالب بيها وازاي اضمن اني اتقبل فيها
1-السنه النحضيريه مطلوبه من المصريين اللي خلصوا ثانويه من غير مايدخلوا جامعه
او الي دخل جامعه وحابب يغير مجاله في المانيا
تغير المجال المقصود بيه انه مثلا كان في هندسه وعاوز يدخل طب او العكس لو المجال قريب من بعضه مش هايطلب منه تحضيري وافضل حاجه ان الشخص يراسل الجامعه بنفسه يسالها اذا كان محتاج تحضيري ولا لا لو العمليه مش واضحه كل جامعه ونظامها اللي دخل ولو سنه واحده في الجامعه في مصر وعاوز يكمل في الماتيا نفس المجال مش مطالب بيها كل اللي هايتطلب منه بيان درجات بالسنه اللي هو درسها في الجامعه وهايدخل الجامعه في المانيا علطول
2-ازاي اضمن اني لما اسافر ادخل تحضيري واتقبل فيه
اولا التحضيري ليه كذا نوع
1-M-kurs بيكون للكليات الطبيه
2-T-kurs الكليات الهندسيه
3-G-kurs الكليات الادبيه
كلهم علشان تدخلهم لازم تعدي امتحان اسمه Aufnahmetest الامتحان بيكون غالبا رياضيات والماني فيه بعض الجامعات بتتمتحن الماني كل الجامعات اللى فيها سنة تحضيرية بيقدم فى امتحان القبول اعداد ضخمة جدا و الاماكن بتكون قليلة جدا (متوسط 10% من المتقدمين بيتقبلوا ) و بيتم اختيار اللي حصلوا علي على درجات فى الامتحان.
علشان تقدم علي تحضيري افتح الموقع ده وشوف الجامعات اللي فيها تحضيري وحاول تجيب اكبر عدد من القبولات علشان يبقي عندك البديل دايما لو فيه جامعات منجحتش فيها
http://studienkollegs.de/
طيب ازاي اجهز نفسس للامتحان اول حاجه هاتكلم عنها الالماني
1- الالماني
لازم يكون مستواك اققل حاجه B22 ويكون مستوي فعلي مش مجرد شهاده من جوته لو انت طالع تحضيري متطلعش من مصر بمستوي اققل منه مهما كان علشان متجيش هنا تتسوح لازم تكون مذاكر المستوي كويس جدا جدا قواعد وكلمات مارسة اللغة و اﻷفلام و قراية الكتب وبعد ماتخلصه هاتبدا تحضير لامتحان الالماني اللي في التحضيريه ودا بيكون من كتاب اسمه
(Mut zur Lücke)
هتحله كله وطبعا فيه كتاب للاجابات هاتراجع منه اجاباتك وفيه منه جزئين لو حليت الاتنين كويس جدا جدا هتبقى عملت اللي عليك بإذن الله ودا اللينك بتاعهم
https://www.facebook.com/groups/German4Free/permalink/1159271350797764/?match=bXV0IHrDvHIgbMO8Y2tlLG11dCB6dXI%3D
طبعا ممكن تكون الجامعه فيها جزء مختلف عن الكتاب ده ممكن يكون فيه سماعي دور علي جوجل وادخل اتدرب عليه كويس كمان من اهم الحاجات ودا في الرياضيات اول الالماني انك تفتح موقع الجامعه تشوف نماذج امتحانات السنين اللى فاتت و تركز فيها كويس جد ﻷنها مش بتختلف غالبا عن الامتحان اللى هتمتحنه، حل كل النماذج لكل الجامعات.
2-الرياضيات
هتفتح مواقع الجامعات كلها بتاعت التحضيري و تدور ع نماذج الرياضة و تحلهم كلهم كذا مره هما تقريبا حاجه وعشرين امتحان طبعا لازم تركز علي الجامعات الي انت هاتمتحن فيها و تشوف إيه الموضوعات اللي بتجيبها و تدور على تمارين في جوجل مثلا طبعا فيه مواقع بتفيدك في الحاجات دي زي موقع ممتاز اسمه khanacademy. ودا الينك بتاعه وليهم قناه علي اليوتيوب ابحث عنها وحاول تراجع الرياضيات معاهم كويس
https://de.khanacademy.org/
فيه كتاب تاني ممكن يساعدك بيبسط الرياضيات جدا لو انت ضايع خالص بس كبير حبتين لو انت عندك وقت اقرا فيه شويه دا الينك بتاعه
https://www.facebook.com/photo.php?fbid=917650514997826&set=a.123670421062510.23751.100002586595315&type=3&theater

اخر حاجه لازم انبه عليها اللي رايح تحضيري لازم يكون مظبط كل حاجه صح يعني المفروض الحاجات دي كلها تخلص وهو في مصر مش في المانيا مثلا خلص الB2 وبعد كده قدم علي الجامعات وهات قبول وقدم علي السفاره والوقت بتاع الاجراءات دي اللي هو مثلا من شهرين ل3 شهور تكون بتجهز للامتحان رياضيات والماني متنزلش المانيا الا علي الامتحان انزل امتحن في كل الجامعات اللي انت قدمت فيها لحد ماتتقبل في واحده وبكده تكون ضمنت انك تدخل تحضيري وفي نفس الوقت مصرفتش فلوسك هنا علي الفاضي فيه ناس كتير بتاخد الفيزا وتيجي علطول ومش بيكونوا عملوا اي حاجه من الكلام ده ويتفاجئوا هنا علشان كده بتكون النتيجه انهم مش بيعدوا في امتحان القبول وبيصدروا للناس موضوع ان قبول التحضيري مستحيل وصعب لكن الفكره بس انك تبقي فاهم انت هاتعمل ايه كويس وامشي بخطوات مرسومه بدقه وهاتلاقي الامور ميسره ان شاء الله
اضافه:- الناس اللي خلصت باكلريوس في مصر مش محتاجه تحضيري في المانيا حتي لو هاتغير تخصص
#بالتوفيق_جميعا
#بلاش_خاص

المصدر