كل شيء عن اليوني اسيست شرح موسع

البوست دا هنتكلم فيه عن #اليونى_اسيست دا عصارة اخواتنا اللى نزلوا بوستات عنه ف يا ريت قبل ما تستفاد منه دعوة بنيه صافيه ليهم والهشتاج عشان ترجعله فى اى وقت مش هتحتاج معلومه زيادة بعد البوست داة

البوست ل Omar Ayman

عبارة عن مكتب مسجل ومعترف به وهو طريق وحيد للقبول فى 169 جامعة ألمانية حكومية و معاهد عليا موزعين على كل الولايات الألمانية و مهمته الأساسية و الوحيدة تقريبا انه بيستقبل الطلبات و الأوراق المطلوبة للجامعة اللى الطالب عايز يدرس فيها و يعمل فحص للأوراق و يسلم الجامعه فيما بعد انتهاء الفترة المحددة لإستلام الأوراق كاملة فى ملف جاهز لمكتب شئون الطلاب الأجانب International Office.
التسجيل فى الأونى أسيست بيكون له شقان ، الأول إلكترونى و الثانى تسجيل عادى ، فكل ما على الطالب هو إنه يجمع كل المعلومات عن الدراسة المأمولة من موقع الجامعه نفسها أو الهوخ شولا و يشتغل عليها و بعد ما يجمع كل المطلوب بالاضافة لأبلكيشن الجامعة يدخل على موقع الأونى أسيست نفسه و يعمل تسجيل بإيميله و يملى أبلكيشن الجامعة و يعمل تسجيل إلكترونى لرغبة الدراسة و اختيار الجامعة و التخصص و يعمل أبلود لكل الأوراق اللى مطلوبة على الأكونت بتاعه بعد ما يكون عامل من كل الورق نسخة رقمية (PDF).
الخطوة التانية انك تعمل نفس الخطوات دى تانى بشكل عادى فى ملف و تبعته على عنوان الأونى أسيست فى برلين بالبريد و الزيادة الوحيدة على الأوراق بيكون إثبات بنكى بتحويل مصروفات الأونى أسيست نفسها. و يبعت كل ده على عنوان الأونى أسيست فى برلين بالبريد قبل انتهاء فترتى التقديم على مدار السنة.
مصروفات الأونى أسيست للأبلكيشن 755 يورو و لكن انت ممكن تعمل أكثر من أبلكيشن فى أكونت واحد و تقدم على أكثر من جامعه فى نفس السمستر لعل الأبلكيشن يترفض من جامعه فيجيلك قبول من جامعه تانية و ده أفضل و ساعتها الاونى أسيست بيحاسبك على الابلكيشن الأول بالسعر ده 75 يورو و كل أبلكيشن زيادة ب 15 يورو فقط. أنا برجح كمان ان الواحد يقدم على 3 جامعات ب 105 يورو من باب الاحتياط الا اذا كنت متواصل قبلها مع الاونى اسيست و اتأكدت من الموظفين ان فرصة القبول كبيرة و التنافسية لمقاعد الدراسة مش بالشراسة اللى يترفض على اساسها الطلب.
الدفع بيكون عن طريق تحويل بنكى على حساب الأونى أسيست و بيانت الحساب موجوده على موقعهم و التحويل اعتقد من مصر بياخد 15 يوم عمل من البنوك و حوالى 3 أيام عمل لو التحويل من داخل ألمانيا، و بتكتب فى التحويل بيانت تخص الأكونت الإلكترونى بتاعك على الاونى أسيست زى رقم التسجيل/ الإسم الأول و اللقب / ميعاد السمستر شتوىWS كان أو صيفى SS / تاريخ الميلاد:
So zum Beispiel könnte der Verwendungszweck auf eurem Überweisungträger aussehen:
12.11.1985, Hitler Adolf , SS14, 1234567.
„grin“-Emoticon „grin“-Emoticon „grin“-Emoticon
مواعيد التقديم فى السمستر الشتوى WS بتبدأ فى مايو و بتنتهى 155 يوليو و ده أخر يوم لزم تكون كل اوراقك كاملة و الا الطلب مش هيتنظر، و للسمستر الصيفى SS بيبتدى التقديم فى نوفمبر و ينتهى 15 يناير ( هنا تاخدول بالكم ان شهر ديسمبر فيه اجازات كتيرة بالاضافة للويك اند ، يعنى ايام العمل بيتبقى قليلة فمتتأخروش) لأن كل ما تقدم بدرى كل ما يجيلك القبول بدرى كل ما يبقى عندك وقت للنزال الكبير فى السفارة الجميلة!!!
الأونى أسيست شىء روتينى فطوول ما الاوراق سليمة و كاملة الورق هيمشى و الجامعه هتستقبله و هتنجز الورق و ده معناه انك تكون مستوفى كل الاوراق اللى الجامعه طالباها و منسق مع الجامعه كمان ان كان فى استثناء ولا حاجة و ده تنسق عليه مع ال International office و فى أوقات كتيرة التنسيق مع المكتب تقدر تاخد بيه استثناءات و الناس متعاونيين لدرجة كبيرة سواء فى الجامعه او الاونى اسيست.
بعد ما ورقك بيدخل السيستم سواء الالكترونى و العادى و الفلوس دخلت حسابهم ، تقدر من الاكونت بتاعك تشوف البروسيس بتاعت الورق خطوة خطوة على حسابك و هكذا لغاية ما الورق يدخل للجامعة نفسها و تقدر تتواصل كمان مع الانترناتسيونال اوفيس و تسأل الورق واقف فين و فاضل عليه اد ايه؟
الأوراق المطلوبة زى الشهادات ( الثانوية العامة بيان الدرجات ، شهادة البكالريوس بيان الدرجات ، شهادة اللغة) لازم يكونوا مترجمين طبعا للإنجليزية أو الألمانية و موثقين من الخارجية قبل ما يتصدق عليهم من السفارة الألمانية بغرض الدراسة. انت مش هتبعت الأصول ، إنت هتترجم الأصل و توثقها فى الخارجية و تصدق عليها من السفارة و بعد كده تصورهم و تعمل منهم صورة طبق الأصل و تصدق الصور دى بمقارنة الأصول فى السفارة الألمانية و تبعت الصور المصدقة دى للأونى أسيست، و لو الطالب موجود فى ألمانيا بيصدق على الأوراق فى الراتهاوس فى أى مدينة.
موقع الأونى أسيست:
http://www.uni-assist.de/
بيانات تحويل المصروفات
Die Bankverbindung von uni-assist lautet:
Begünstigter uni-assist e.V.
IBAN DE62100208900019055272
BIC/SWIFT-Code HYVEDEMM488
bei der HypoVereinsbank
عنوان الأونى أسيست فى برلين لإرسال المستندات بالبريد:
(Name einer Hochschulee)

c/o uni-assist e.V.
Geneststrasse 5
D-10829 Berlin
هنا كل الأسئلة اللى ممكن تحتاج جواب ليها لكل خطوات التقديم:
http://www.uni-assist.de/faq-de.html
هنا رابط التسجيل الإلكترونى:
https://www.uni-assist.de/online/
هنا قائمة بكل الجامعات و الهوخ شولين اللى بتتعامل مع الأونى أسيست فى كل الولايات الألمانية:
http://www.uni-assist.de/uni-assist-mitglieder.html
بالتوفيق
# Uni-assist
تكمله الكلام عن اليوني اسيست والتقديم ل Nabil Ahmed

طريقة التقديم للجامعات الألمانية ؟

عن طريق منظمة Uni-assist
تعريف الـ Uni-Assist و كيفية التسجيل فيها :
- تقديم الاوراق للحصول على قبول جامعي لا يتم مباشرة عن طريق الجامعة في معظم الأحيان و إنما عن طريق مكتب يسمى ( Uni-Assist ) .
- إن وظيفته هي التحقق من صحة الاوراق و معادلاتها ثم إرسالها إلى الجامعة حيث يعود القرار النهائي لها.
الاوراق المطلوبة و كيف يجب تقديمها :
الشهادات العلمية ( الثانوية أو الحاصل على دراسة جامعية لمدة سنة أو سنتين او البكالريوس )
شهادة لغة ألمانية ( شهادة DSH أو Testdaf أو B1 )
شهادة لغة انجليزية( Tofel- Ielts ) للطلاب الي هيدرسوا بالانجليزي
طلب معبىء بشكل كامل عن طريق الموقع ، تقوم بطبعه و توقيعه ( معظم الجامعات تستخدم الطلب نفسه و بعض الحلات تمتلك الجامعة طلبها الخاص لذلك الحصول على الطلي يفضل ان يكون عن طريق الموقع الرسمي للجامعة )
أوراق إضافية ( سيرة ذاتية ، خطاب تحفيزي ، و في بعض الاحيان يتم طلب أوراق إضافية من قبل الجامعة مثل شهادة خبرة)
ملاحظات مهمة:
الأوراق الرسمية يجب أن تكون مترجمة من مترجم معتمد و مصدقة من السفارة الالمانية في القاهرة
لاترسل شهاداتك الأصلية ابداً الي Uni-assist . فقط ارسل طبق الاصل
كل جامعة و ليها شروطها فحاول التوفيق ما بين طلبات الجامعة و Uni-assist .
- حاول تفهم انك بتقدم على قبول مشروط ، يعني مش نهائي ، يعني ده قبول بمجرد انك تسافر المانيا هتكمل دراسة لغة هناك.
- الجامعة هي اللي ليها الحق انك تتقبل او تترفض.
الخطوات :
الجامعات الي ممكن تقدم عليها عن طريق Uni-assist هي:
http://www.uni-assist.de/uni-assist.html
هتعمل حساب علي الموقع :
https://www.uni-assist.de/onli…/Frontend/Registrierung/index
هتدخل على الحساب من اللينك ده
https://www.uni-assist.de/online/Frontend/Login/index
هتملئ المعلومات الخاصة بك في القائمتين Profil bearbeiten, Grundfragen
هتراجع التخصصات الي انت ناوي تقدم عليها عن طريق قائمة Studienangebotsuchen
املئ التطبيق و بعد كده اطبعهم
ترسلهم بالبريد للعنوان التالي:
(Name einer Hochschule يعني تحط اسم جامعة واحدة من الي مختارهم)
c/o uni-assist e.V.
Geneststraße 5
10829 Berlin
GERMANY
مواعيد التقديم:
تقسم السنة الدراسية في ألمانية إلى فصلين ( شتوي و صيفي )
- الفصل الشتوي من 1/10 إلى 31/03
- الفصل الصيفي من 01/04 إلى 30/09
فترات التقديم:
- التقديم للفصل الشتوي من 01/06 إلى 15/07
- التقديم للفصل الصيفي من 01/12 إلى 15/01
مع ملاحظات ان البرامج الدولية بتختلف في مواعدها.
الاسعار
اول جامعة بتدفع ليها 75 يورو ، و اي جامعة تانية هتدفع ليها 15 يورو.
نركز هنا ************
لما تيجي تحول الفلوس من البنك
تكتب في سبب التحويل البيانات الآتية *** خلي بالك الفلوس ممكن تضيع في السكة ***
يوم الميلاد (يوم . شهر. سنة)
اسم العائلة
اسمك
السمستر الي بتقدم عليه (مثلا WS2016) يعني الترم الشتوي لعام 2016
رقم ملفك او الابلكيشن بتاعك من الموقع.
حساب الشركة الي هتحول ليها هي:
Begünstigter uni-assist e.V.
IBAN DE62100208900019055272
BIC/SWIFT-Code HYVEDEMM488
bei der HypoVereinsbank
http://www.uni-assist.de/bankverbindung.html
في جامعات معفية من المصاريف و هتلاقيها هنا
http://www.uni-assist.de/cost-transfer.html
في جامعات ماشية بطريقة VPD يعني طريقة
يعني بتبعت ورقك للـ Uni-assistt عشان يتفحص (مزور ولا ؟!) و بعدين يديك النتيجة و انت تاخد النتيجة تبعتها مرة تانية للجامعة الي انت مقدم عليها ، هتلاقي الجامعات ده هنا
http://www.uni-assist.de/vpd-verfahren.html
التقديم من big ideaa وشكر منى ليهم جميعا

ازاى تقدم عن طريق اليونى اسيست (3 اجزاء )
https://www.youtube.com/watch?v=PiIw6Wxu4ao
https://www.youtube.com/watch?v=hoAqENSE5Jg
https://www.youtube.com/watch?v=7Ixjf3ltRDE

المصدر