انهردا هتكلم معاكم ازاي لو انت طالب في المانيا تلاقي شغل وتشتغل علشان تجيب مصاريفك وتلقط رزقك
فيه طلبة كتير بتسافر علي المانيا وبيلم فلوس من هنا ومن
هنا ومن هناك علشان يجيب فلوس الحساب المغلق ولما بيلم
فلوس الحساب المغلق ويسافر من الصعب انو يبعت لاهلوا
ويقولهم ابعتولي فلوس هيبهدلوه فا الحل الانسب حفاظا علي
ماء الوجه انو يلقط رزقوا في المانيا وانهردا هقولك ازاي
تشتغل في المانيا والوقت الي الجامعة بتديهولك علشان تشتغل
تعالوا مع بعض نعرف شروط عمل الطالب في المانيا
المانيا بتسمحلك كا طالب بالدراسة والعمل لمدة 120 يوم وتقدر تشتغل بشكل قانوني
وممكن توفق بين دراستك وشغلك بانك تشتغل نص يوم
ويوم العمل في المانيا ممكن يكون 8 ساعات او عشر ساعات وممكن الطالب يشتغل في اماكن زي
بنك من البنوك الالمانية
تشتغل في مطعم
تشتغل في فرن فينو
جامعتك نفسها اوقات كتير بيكون فيها شغل يعني لو جامعة علم نفس بيكونوا جايبين حمام وفراخ وبط علشان يعملوا عليهم ابحاث بيدروا علي واحد يراعيهم ويحطلهم اكل
وطرق شغل كتير في انحاء الجامعة المختفة
تشتغل في مصنع
تسرح بجرايد توزعها
- انت كا طالب هتلاقي الشغل ليك كتير ومتوافر بس علشان تلاقي افضل فرصة
- الالماني بتاعك يكون كويس الشباب العفاريت الي بيسافروا ويركزوا علي لغتهم
- وتحسينها بيلاقوا فرص عمل كويسة جدا
طيب هقبض كام في الساعة او هاخد مرتب كام ؟؟
شوف يا سيدي اكل العيش يحب الخفية يعني تكون خفيف وحاضر ونعم واجر الساعة في المانيا بيختلف
بين مدينة ومدينة ومن ولاية لي ولاية ولاية مش ولية وهي التي تولول في
المصائب لو انت ماشي ولاقيت ست بتقول يا لهوي يا لهوي يا لهوي اعرف ان مش دي الي قصدنا في المقال هنا عليها قصدنا الولاية
يعني مثلا تكلفة العمل في المدن الغربية مرتفع علشان تكلفة الحياة مرتفعة
وحسابك علي شغلك ساعة في المدن الشرقية اقل بس الحياة بردة تكلفتها اقل
بس بشكل عام اجرتك علي الساعة في المانيا من 8 يورو لي11 يورو وده الي ماشي
هناك وفيه اغلي للطلبة الي عندهم خبرة في مجال معين وهيشتغلوا فيه هناك بتقلول للي بيعمل معاك انترفيوا انا مفيش زيي وهتشوف وفعلا يشوف ان عندك خبرة هيزودك
طيب ايه الوقت الغير مسموح ليك كا طالب بالعمل في المانيا
قربلي ودنك في السنة التحضيرية مبتقدرش تشتغل وبيسمحولك بس تشتغل في
العطلات الرسمية
ومش مسموح انك تغيب عن الجامعة بسبب شغلك لازم توفق بين الاتنين
طرق كمان كمالة تقدر من خلالها تلاقي شغل في المانيا
النظام في المانيا داخل في كل حاجة فا فعلا لما بتدخل مواقع العمل بتلاقي شغل
فيه منظمة اسمها studentenwerke ودي مسئولة عن شغل الطلاب في المانيا هتجيبلك شغل ومش هتقولك عاوزين الحلاوة زي عندنا في مصر ناس محترمة وموقعهم الالكتروني علي الانترنت هنا
وكمان فيه اكتر من موقع تقدر من خهلالها تدور علي شغل
وممكن من خلال الموقع تتواصل مع صاحب العمل عن طريق
طرق التواصل الموجودة
طيب يه الفترة الي ممكن تقعد فيها في المانيا بعد ما بتخلص دراسة بشكل نهائي
ممكن بعد الدراسة تقعد فترة سنة ونص تدور علي شغل وبعد
ما ربنا يكرمك وتلاقي شغل ممكن تغير الفيزا وتاخد اقامة في المانيا وبعدها بفترة بتاخد الجنسية وللعلم لما بتدرس في جامعة المانية كتير بتلاقي شغل انت خريج جامعة المانيا والالماني بتاعك كويس غالبا بتلاقي متصدقش المحبطين
.
.
.
.
.
.
0 علق برقم 1 هنا
