حاجات لازم تعرفها اول ما تبدا في فكرة الدراسة في المانيا

لازم في فترة تحضيرك للسفر الي المانيا تعرف معلومات كتير عن المانيا وكمان في اسئلة بتدور في راسك لازم تعرفها قبل اول خطوة ليك في المانيا زي التسجيل في الجامعة او الضمان الصحي او الشقة ولازم وانت في بلدك يكون عندك خطة تفصيلية 

وتمشي عليها خطوة خطوة 

ولازم تعرف ان الطريق ده طويل شوية بس بعدها بتتغير حياتك بنسبة 100%

بتبدا تحضر للدراسة في المانيا قبلها بسنة ولازم تعرف الحاجات دي 

الفرص المتاحة للدراسة في المانيا 

انك تدور علي جامعة او معهد وتشوف لو عاوز تدرس مجاني يبقي الجامعات  الحكومية لو بفلوس يبقي الجامعات الخاصة 

طيب ايه الموهل الدراسي الي لازم يكون معايا علشان ادرس في المانيا ؟؟

هل كفاية انك تكون حاصل علي مؤهل دراسي علشان علشان تدرس في جامعة المانية  وهل المؤهل ده مقبول في المانيا وهل فيه حاجات لازم اعملها غير المؤهل ؟

التكاليف كام ؟ وازاي اصرف علي نفسي في المانيا  

هل فيه فرص ؟  هل فيه منح ؟  هل ممكن اهلي يدفعولي المصاريف ؟ 

هل ممكن ادفع من خلال مبلغ معايا ؟  كل الاسئلة دي هجاوبك عليها من خلال الخطة القادمة يلا نبدا 

لازم كل الناس الي بتقرا المقالة يكونوا متاكدين من معني الدراسة في اوروبا  ولازم تسال نفسك هل انت جاهز ؟؟؟ وهل اهلك موافقين علشان يعطوك فلوس الحساب البنكي ؟؟

في بداية الطريق لازم تعرف الحاجات دي 

انك تختار الجامعة

لازم تلاقي جامعة في تخصصك وتشوف برنامج الجامعة مناسب ليك ولا لا لان فيه جامعات برامجها مختلفة عن الاخري 

بعد ما بتختار الجامعة بتراسلها  

وبتدخل الموقع الالكتروني للجامعة وبتعرف ايه متطلبات التحاقك للجامعة 

وانت بتدور لازم تخلي في دماغك الحاجات دي  عدد المقاعد المتوفرة في الجامعة  وايه نوع الاعانات الي ممكن اخدها من الجامعة 

هل الجامعة بتوفر سكن طلابي للاجانب  وبعد ما بتلاقي جامعة مناسبة بتبدا في التقديم 

في التقديم كل جامعة ليها استمارة خاصة ومواعيد نهائية لازم تحط في اعتبارك النقطة دي

بعد ما بتبعت طلب الدراسة لاكتر من جامعة هتستني بقي لحد ما يجيلك قبول 

واول ما بيوصلك القبول الجامعي بتفرح وبتكون سعيد بس لازم متنساش الحاجات دي 

السكن 

السكن لازم يكون في مكان قريب من الجامعة مهم جدا وانك تدور علي بيت طلبة مشترك ارخص  

التامين الصحي 

اي شخص في المانيا لازم يكون عندو  تامين صحي وتدور علي شركة تامين صحي مناسبة 

ودلوقتي انت بتجهز نفسك بعد اسبوعين او اسبوع  لازم تتاكد ان الحاجات دي جاهزة 

معاك كل اورواقك المطلوبة  الفيزا القبول بطااقة الطالب  قبول السكن الجامعي الموقت 

لو معرفتش توصل لسكن جامعي لازم تلاقي مكان تقعد فيه اول ليلة  فيه بعض المنظمات الطلابية بتساعد الطلبة الي مش لاقين اول ليلة مكان تسكن فيه او ببساطة ممكن تدور علي مكان رخيص تسكن فيه او تسال علي جروبات الفيس الخاصة بالالمانية عن واحد ممكن يستضيفك 

بردو لازم تكون عارف ايام الاعياد في المانيا 

الأعياد والعطل الرسميّة في ألمانيا

1 يناير: راس السنة 

6 يناير: عيد الغطّاس.بيحتلفوا بيه بعض الولايات بافاريا ساكسوني بادن 

 يُحتفل بهذا العيد في كل من بادن-فورتيمبارغ، بافاريا، ساكسوني.

25 مارس: الجمعة العظيمة أو جمعة الاوجاع 

28 مارس: عيد الفصح.

1 أبريل: عيد العمال 

5 أبريل: عيد الصعود 

16 أبريل:العنصرة 

26 أبريل: جسد المسيح يحتفل به بعض الولايات 

8 أغسطس: احتفال السلام – بافاريا.

15 أغسطس: يوم صعود القديسة ماريا إلى السماء.

3 أكتوبر: يوم اتحاد ألمانيا.

31 أكتوبر: يوم الإصلاح. 

1 نوفمبر: يوم جميع القدسين 

16 نوفمبر:  يوم الصلاة والتوبة . ساكسوني.

25 ديسيمبر: عيد الميلاد.

26 ديسيمبر: اليوم العالمي للملاكمة.

اتمني ان المعلومات دي تساعدكم في طريقكم الي المانيا وبالتوفيق 

.
.

.
.