كيفية فتح حساب في الدويتشة بنك بالفورم الجديد

البوست دا مجمع في كل معلومه من بوستات اصحابنا عن الابلكيشن الجديد ل دويتش بنك قبل ما تقرر تفتح احفظ البوست كلمه كلمه وهتفتحه بامر الله بسهوله محدش يسال بعد البوست دا عن البنك

البوست ل marwan ahmed

#فتح_الحساب_في_الدويتش_بانك_بالفورم_الجديدة
قبل كل حاجه أي معلومة بديهالك او حد بيديهالك دي اجتهاد عن تجربه ماحدش شغال في البنك علشان يديك معلومة مؤكده؛ و ياريت لما حد يسأل حد مايقولوش حضرتك؛ حضرتك تتقال لحد اكبر منك سنا او اعلى منك مقاما (خليك بسيط)
ما علينا تفتح الحساب ازاي ؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المستندات المطلوبة :
1-#أبلكيشن_البنك: حمله من هناhttps://archive.org/details/BankApplicationForm

و ده انا رفعتهولك اهو مملي و متظبط كل اللي عليك تنزل اخر الصفحه تحمله و تغير الأجزاء الخاصة ببياناتك الشخصية زي الأسم و رقم البطاقة ؛ أول 7 صفحات دول ارشادات مالكش دعوه بيهم؛
هتطبع اخر 77 صفحات الوان و تسيب الأمضاء فاضية علشان هتمضي في السفارة و اطبع نسختين علشان لو غلطت و انت بتمضي في السفارة
*
2-#الباسبور:
هتمسك باسبورك هتقلب اول صفحتين هتلاقي في الصفحة الرابعة مكان للأمضاء هتمضي في الباسبور في الحتة عربي و انجليزي؛ بس اتأكد من ان امضتك ثابته لأن دي اللي هتمضي بيها الأبلكيشن؛ و تصور اول 4 صفح كل صفحتين في وش بعض في ورقة واحده (الوان)
*
3- #خطاب_القبول
بتاع الجامعه او معهد اللغة اللي بيجيلك عالميل او البوسطة و هتطبعه الوان و ده #ما_بيتوثقش
*
4-#الحساب_البنكي
اللي بيمولك و هتبعت منه الفلوس سواء بتاعك او بتاع والدك او قريبك او صاحبك المهم هتكتب في The origins of these funds مصدر الفلوس زي مثلا Saving او parents و هتكتب في Enclose supporting document: حساب بنكي
الحساب ممكن يكون بالمصري او بأي عملة المهم يغطي 88000 يورو بحد ادنى او مايوازيه بأي عمله و مش شرط يكون مفتوح من فترة لكن يستحسن و ده #ما_بيتوثقش
____________________________________________________
التوثيق
هتروح السفارة من الساعة 8:10 صباحا و معاك
أبلكيشن البنك+ صورة الباسبور+ الباسبور نفسه+350 جنيه مصري.
هتخش عالموظفة هازز طولك بس اوعى تتهز لهيبتك تروح
قولها صباح الخير بابتسامه كدا هتقولها عايز اوثق ابلكيشن البنك و هتديها الورق كله
هترجعلك الصفحات اللي هتمضي فيها و هتشاورلك على اماكن الأمضاء امضي زي ما في الباسبور بالظبط ؛ لو غلطت اتفقنا ان معاك نسخة تانية عادي طلع نفس الصفحة و امضيها و اديهالها؛ هتسلمها الورق كله بالأضافة للباسبور و هتيجي تستلم تاني يوم من 10:11 ورقك متوثق.
____________________________________________________
الشحن
في فايل نايلون هتحط (ابلكيشن البنك + صورة الباسبور (الموثقين)+ خطاب القبول+ الحساب البنكي)
اي شركة شحن هتقوم بالواجب DHL, TNT, UPS هيكلفك من 350 ل 5000 جنيه ؛ انا بعت مع ميدل ايست كورير ب 175 جنيه و وصل و زي الفل بس لو هتبعت معاها وديله ورق محطوط في فايل نايلون و فايل كبير مقفول كويس؛ هيديك وصل و تتصل تاني يوم تاخد رقم التتبع اللي هتعرف بيه ورقك وصل ولا فين
ده العنوان اللي هتبعت عليه
Deutsche Bank, Privat- und Geschäftskunden AG, Alter Wall 53, 20457 Hamburg Germany
____________________________________________________
أسعى ورا حاجتك
كل المؤسسات الألمانية اللي اتعاملت معاها بطيـــــئة حرفيا
فتح الحساب مالوش مده انا حسابي اتفتح في 33 ايام و صاحبي في اسبوع و ناس بقالها شهور شغلتك بقى انك تسعى ورا حاجتك؛ هتعدي اسبوع لو مابعتولكش و تروح باعتلهم على الكونتاكت فورم دي http://goo.gl/axsD1f هتبعت الصبح بدري في اي يوم ما عدا السبت و الأحد.
ما ردوش بعد يومين ؟ تروح باعت تاني بالكونتاكت فورم ؛ ما ردوش ؟ تروح متصل بيهم بالتليفون او تخلي صاحب ليك هناك يروح يسألك.
____________________________________________________
الميل
دايما ميلك اللي حطيته في الأبلكيشن تفتحه كل يوم تشوف اتبعتلك حاجه منهم ولا لا لأن الحساب هيجيلك عليه و ان شاء الله هيجيلك ميل بفتح الحساب في كل بيانات حسابك.
أدعولنا بس بالمعافاه و التوفيق في اللي جاى

البوست ل هشام عثمان

السلام عليكم يا جماعه.. انا هحكي لكم عن تجربتي مع الدويتش بنك كحد بعت الابليكشن الجديد يعني واتقبل .. بالظبط كنت باعت 7/7 وصلي القبول 5 شهر تمانيه ... انا هرفع كمان الابليكشن بتاعتي . واي سؤال انا تحت امركوا
نبدا بالحاجات اللي فيها لبس بس
1- ال first وال surname :
اول خانه اسمك كله لو رباعي يبقي اول 33 اسماء والسطر اللي تحتيه بتكتب اسم العائله او اللي هو اخر اسم
2- الموضوع بتاع الضرايب دا بتعلم علي الاختيار التاني اللي هو
I am resident for tax purposes in the following countries outside Germany
و تكتب تحتيه مصر و رقمك القومي
3- اول خانه فلوس بتكتب فيها المبلغ الاساسي ف الحساب اللي 8640
4- اصل الفلوس او origins of the funds : بيسالك ايه اصل الفلوس اللي انت جبتها .. لو انت شغال ودي من فلوس مرتبك و تحويشك اكتبwages and salary لو انت جايبها من ابوك او امك او اي فرد من العائله اكتب family member انا كاتبها غلط عموما لاني مكنتش فاهم كده ساعه ما مليت الابليكشن
5- بالنسبه لل supporting document اكتب bank statement
6-الحته بتاعه I anticipate an additional annual transaction volume off .. دي اللي فهمته منها انه بيقولك تتوقع انك ممكن تزود الحساب قد ايه كل سنه ؟ ف انا قولت اكتب مبلغ قليل يعني انا مش لاقي فلوس اصلا .. بدل ما تكتب الفين يورو مثلا و تطلع ما دام كتبتها لازم تزودها و يبقي اتسوحت ف كتبت 200
77- الخانه اللي تحتيها علي طول بيقولك مين اللي هيحولك الفلوس . انا كان اخويا ف كتبت اسمه وتحتيها صله القرابه كتبت brother لو حالتك مختلفه اكتب اسم الشخص واكتب صله قرابته >> اهم حاجه ف النقطه دي تكتب اسمه اللي هيحولك زي ما مكتوب ف كشف الحساب بالظبط بالحرف
8- معرفش ايه ال pep دا فسبته فاضي
99- كنت باعت مع الابليكشن - جواب القبول - الابليكشن والباسبور متوثقين - كشف حساب اخويا

***** تحديث ****
1- كشف الحساب لو بالمصري لازم يكون مغطي القيمه اللي هتحولها بالمستريح يعني بالميت 110 الف مثلا لو اليورو ب 12 واه ممكن يكون باي عمله .. حاجه تاني مهمه جدا جدا جدا .. كشف الحساب لازم يكون جديد معداش عليه 3 شهور يعني .. عشان غير كده بيترفض ..
22- انا كاتب حاجه ممكن تعتبر غلط ف الابليكشن والحساب اتفتح .. طب ازاي ؟؟ اعتقد يعني ان اهم حاجه البنك بيبص عليها هي كشف الحساب والقبول لو انت مظبطهم يبقي كده تمام
**** خد بالك ** لو مش لاقي حد يحولك يورو وقررت تروح لابن خاله عم ست ابو واحد صاحبك وقررت تخليه هو اللي يحولك لازم تكون ضامنه بنسبه ميه ف الميه لان لو لا قدر الله الفيزا اترفضت وقررت تفك البلوكينج من الحساب وتاخد الفلوس .. البنك مش هيرضي يحولها غير للي حولها اول مره فخد بالك

اي سؤال ياجماعه انا مجاوبتوش ف اللي قلته يبقي ما اعرفوش ولما هتيجي تسالني فيه هفتي و انا مش بحب افتي ... فياريت اي حد عنده استفسار خاص بحالته او حاجه معينه ف الابليكشن يسال صفحه البنك علي الفيس هيفهموك اللي انت عايزه و كلامهم اكيد اصح من اي حد فروح لهم من الاول وريح دماغك دي صفحتهم
https://www.facebook.com/DeutscheBankService/?fref=ts

البوست ل aya Ahmed

السلام عليكم ...

بعد رفض ورقي عده مرات من الدويتش بنك الحمدلله المره ديه اتفتح الحقيقه انا معرفش ايه الميزه المره ديه عن المرات الي فاتت لان كل مره ورقي كان بيبقي سليم بس حبيت اشارككم تجربتي المره ديه بالتفصيل.

-انا بعت قبول جامعه و كشف حساب من بنك مصر كله بالانجليزي مفيهوش كلمه عربي و الاهم الاسم و ديه نقطه مهمه و (صفحتين الباسبور والابليكيشن طبعا متوثقين من السفاره) و ورقه كده تعهد ان ماما الي هتحولي الفلوس و هيا متكفله بمصاريفي و هتحولي الفلوس اول ما الحساب يتفتح زي ورقه الضامن المالي كده و وثقتها سفاره بردو.

-بالنسبه للورقه ديه فهيا زياده اختراع من عندي يعني انا سالت البنك هل محتاج اثبت ان ماما هيا ماما :D زي شهاده ميلاد مثلا ولا بس اكتب في الابليكيشن ان الي هيحولي ماما قالي لا مش محتاجه تثبتي و السفاره قالتلي ملهاش لازمه بردو بس انا عملتها و خلاص لتقويه موقفي يعني لاني مكنش عندي وقت تاني للرفض و بعت ورقه كمان زي خطاب كده مكتوب بالالماني اني اترفضت قبل كده ليه و وورقي سليم و ضغط عليهم يعني.

-كمان الوصولات بتاعت الدفع بتوع التوثيق الي استلمتها من السفاره حتيطها مع الورق.

-بالنسبه لبنك مصر كان مطلع الاول كشف الحساب انجليزي بس الاسم عربي الموظفه قالتلي هكتبلك الاسم بالانجليزي بخط الايد و اختملك عليه طبعا انا ملسوعه 3 مرات من دويتش بنك فقولتلها استحاله و لازم تطبعيه انجليزي البنك هناك ميعرفش عربي اصلا و الموضوع مش ناقص قالتلي لازم تعديل سيستم و الفرع الرئيسي الي بيعمل كده فعملت خناقه و دخلت للمدير و استنيت و طبعوه كذه مره غلط و مره ينسو لوجو البنك المهم طبعوه مظبوط زي منا عايزه فنفس اليوم ف الناس الي مش عارفه تعمل كشف الحساب بالانجليزي يعرفو انه كسل موظفين مش اكتر.
-

بالنسبه للفلوس تتحط بالمصري و تجيب بيها كشف حساب عادي مش لازم يورو بس يعادل قيمه اليورو بسعر البنك مش السوق السوده
-بالنسبه لتحويل الفلوس لو عندك حساب مصري عدي عليه ٦٦ شهور تقدر تفتح حساب يورو و تحول فنفس اليوم

-نيجي بقي للأبليكيشن و ده اهم حاجه لان لو الورق سليم و الابليكيشن فيه حرف غلط هتترفض
انا رافعه الابليكيشن بتاعي للي عايز يستعين بيه.
-فيه بردو Hesham A. Othmann كان رافع ابليكيشن بتاعه.

-بالنسبه للبريد بعته مع تي ان تي الي عند السفاره هو اغلي بس لان المرات الي بعتهم قبل كده كان مع ميدل ايست ف اتشائمت منهم الصراحه :D

و الحساب اتفتح في اسبوعين اول ما بعت الورق بعتلهم علي الكونتاكت فورم بس كده و الي عنده اسئله انا تحت امره.

-اخيرا يا ريت لو حد استفاد يفتكرني بدعوه حلوه بتيسير الأمور لأني فأمس الحاجه لدعوه.

شويه نصايح من ناس

المشكلة مش فى ابليكيشن المشكلة فى كشف الحساب لازم تتاكد من
1 - كشف حساب جديد معداش عليه 3 شهور
22 - لازم انجليزى و تكتب اسم صاحب الحساب بالانجليزى .. لو موظف البنك رخم خليه يكتب الاسم بالانجليزى جنب الاسم بالعربى على الكمبيوتر و يطبعها
3 - لازم تكتب اسم صاحب حساب البنك بالظبط فى ابليكيشن البنك و توضح علاقتك بيه
4 - اتاكد من ان المبلغ اللى هتحوله مكتوب بالشكل ده 8640.000 خلى بالك من العلامة العشرية عشان لو مخدتش بالك المبلغ هيبقى كده 86.40
5 - لازم تكتب place of birthh اسم مدينة ولادتك فقط و متحطش اسم الدولة جنبها خالص

كل دى اخطاء الناس وقعت فيها و خلييتهم يبعتوا الورق من اول و جديد