معلومات عن الدراسة في روسيا

السلام عليكم ☺
الدراسة في #روسيا ^^ .. لعله يكون وسيلة تنفع بيها غيرك .. هحاول اتكلم عن كل حاجة ولكن هلخّص الموضوع على شكل اسئلة واجابات شافية ان شاء الله :)
بداية نقدر نقول ان روسيا من ارخض البلاد اللى ممكن تدرس فيها على الاطلاق + ان إجراءات السفر ليها سهلة مقارنة بباقي الدول التانية اللى تكاد تكون مستحيلة دا غير ان 90% تقريبا من جامعاتها معتمدة فى مصر وتقدر تكمل بعد كده دراسات عليا في اى بلد انت عايزها
- طب انا لازم اكون جايب مجموع كام في الثانوي عشان اقدّم في جامعه في روسيا ؟
هنا يا محترم مفيش نظام النسب ده ، بمعنى : ان اي طالب روسي او اجنبي يقدر يختار الكلية اللى هو عايزها براحته - ليهم هما في اختبار قبل ما يدخل الكلية دي ( بيعدوه بسهوله ان شاء الله )

- طب الدراسة بالروسي و الا بالانجليزى ؟؟
الطالب الاجنبي يقدر يدرس بالروسي او الانجليزى زي ما هو عايز بس مش كل الجامعات تقدر تدرس فيها بالانجليزى ( على حسب الامكانية دي متوفرة في الجامعه ولا لا ) مع الاخذ في الاعتبار ان الدراسة بالانجليزى اغلى من الروسي

- وتكاليف الدراسة كام في السنه ؟
و الله دي برضوة بتعتمد على المجال اللى هتدرسة و الجامعه اللى هتدرس فيها ولكن تقريبا بيبدأ من 1,500$ لـ 3,500$

- طب لو انا خريج وعايز اكمّل دراسات عليا ؟؟
ابشر يا غالى :) مطلوب منك شهادة التخرج مترجمة وموثقة من الخارجية و السفارة ، ولكن هتاخد سنه تحضيرية الاول

- طب لو انا في كلية فى مصر وعايز اكمل في روسيا ؟ ينفع !!
ليك طبعا انك تكمل هناك ع السنة اللي انت كنت فيها يعني مثلا لو انت ف تانية طب او هندسة تروح تالتة ع طول مفيش مشاكل ان شاء الله..

- طب القبول بيعتمد على جنسية معينه ( يعنى لازم اكون مصري ) ؟؟
لا . اى حد في اى دولة يقدر يدرس بسولة جدا ومفيش اى مشاكل . سواء مصري ، لبناني ، اردني ... الـخ

- مده البكاليريوس كام سنه ؟
الهندسة 44 سنين + السنه الاعدادي .. والطب مًقسّم لـ قسمين .. الاول الصيدلة والاسنان و الاطفال 5 سنين .. و التانى 6 سنين كلهم + السنه التحضيريه ال هتدرس فيها اللغه الروسيه لو هتدرس بالروسي
بس في نقطة بخصوص الطب حابب اوضحها اللى هيا ( مفيش حاجة اسمعا طب بالانجليزى هنا كامل ) بمعنى : انك حتى لو هتدرس طب بالانجليزى هتدرس اول 3 سنين بالانجليزى و الباقي بالروسي ( لان التدريب بيكون في مستشفيات روسية و مرضى روس )

- طب تكاليف الحياة والمصاريف كام في الشهر ؟
و الله التكاليف دي بتختلف من مدينة للتانية ولكن مثلا في سانت بطرسبورج بيبدأ من 2000$ في الشهر .. موسكو اغلى طبعا ... والمدن التانية اكيد تكاليفها اقل ..

- طب رسوم الدراسة اقدر ادفعها كلها مرة واحدة لكل السنين ولا سنه بسنه ؟؟
الاتنين متاحين تقدر تدفع سنه بسنه او تدفع كل السنوات اذا حابب ومعاك فلوس بقا ;)

- هو ينفع اشتغل وانا بدرس ؟؟ واصرف على نفسي ؟؟
قانونا مسموح بس هيكون صعب شويه ... لان الموضوع ده له سببين .. الاول انك لازم تتعلم روسي كويس عشان تقدر تشتغل ( وده هيكون بعد سنه مثلا ) السبب التاني ان اليوم الدراسي غالبا هياخد كل وقتك .. ومش هتلاقي وقت

- طب الروس و طبيعتهم .. ايه النظام :) ؟؟؟
و الله من معاشرتي معاهم اتضح لى ان الحكومه في وادي والشعب في وادي تاني خالص .. بمعنى ان الناس هنا طيبين جدا و متفاهمين جدا و(ساشا) بصراحه عامل معايا احلى شغل ( ربنا يهدية ويسلم بقا :) هههههه )

- طب لو اتعرّفت على روسية و تزوجت منها ايه الوضع بالنسبة للإقامة ؟
لو تزوجت رسمي هتاخد الجنسية بعد 44 سنين

- طب امتى ارجع مصر - لا قدّر الله يعنى - ههههههه ؟
تقدر تسافر في اى وقت انت عايزة سواء في الاجازة او اثناء الدراسة وترجع براحتك عادي جدا

- طيب تمام الكلام زي الفل و انا عايز اجي روسيا .. اعمل ايه الوقتي ؟
اقولك يا محترم .. هتجيب الشهادة سواء ثانوي او بكاليريوس و تبعت لنا صورة بالاسكانر منها + جواز سفر ساري ... واحنا هنجيب لك القبول بتمن التكلفة بتاعته بس :D