شرح موضوع da يلي كثير ناس بتشوفه معقد

موضوع da يلي كثير ناس بتشوفه معقد

حبيت شارك بالشي اللي تعلمته..

🤗

ضمير الغائب باللغة الألمانية (da) بقابلها باللغة

العربية حرف الهاء نهاية الاسم أو الفعل.

مثلاً منه davon

لاحظ أن von معناها "من" وهي of بالأنكليزي ولكن عندما أضفنا لها da صار معناها منه , يعني da هي حرف الهاء .

مثال ich nehme das Geld von Geldbörse أنا أخذت المال من الجزدان ..

بس مو شرط تكرر كلمة جزدان "Geldbörse" بالحديث كل مرة , فينك تقول : أنا أخذت المال منه ..

يعني كلمة جزدان صار ضمير الغائب (ـه) هو البديل عنها ..

بتصير بالألماني : ich nehme das Geld davon

بتمنى يكون المثال واضح .. وكذلك جميع أحرف الجر الألمانية ..

بس ملاحظة أنو da : لا تنوب عن الشخص العاقل بس عن الجماد أو غير العاقل..

يعني ما بيمشي الحال تحطها بدل إنسان ..

-----------------------------------------------------------

يعني مثلاً .. über : ترجمتها الحرفية : عن أو حول .

مثال :

wir sprechen über die Sprache

نحن نتكلم عن اللغة .. أو نحن نتكلم حول اللغة بقابلها بالأنكليزي about

إذا إجا واحد وقعد معكون وقلكن شو رأيكن نحكي شوي عن اللغة , شو بتقله ؟

بتقله : نحن نتكلم عنها ..

بتصير بالألماني : wir sprechen darüber ..

يعني صار بدال اللغة sprache حل الضمير da

بتصير darüber : عنها .. نحن نتكلم عنها ..

ولكن لاحظ أنو حطينا حرف r بين über و بين da لأن إذا حاولت تنطقهن مع بعض متل

daüber

بتصير تقيلة عن اللسان , لذلك الألمان بحطو حرف r لتسهيل النطق لا أكثر ..

حرف الجر mit : ترجمته الحرفية "مع" أو .. كمان : "بـ "يعني بالسيارة أو مع السيارة إلخ..

بصير إذا إجا مع ضمير الغائب da بصير damit يعني "معه" أو به ..

مثال :

أنت رايح ع الشغل بشوفك رفيقك بالشارع بشو رايح ؟ بتقله : أنا رايح بالسيارة :

ich gehe mit dem Auto أنا ذاهبٌ بالسيارة

بييجي رفيقك بقلك , طيب في مجال تعيرني سيارتك شغلة ربع ساعة ؟

بتقله: أنا رايح فيها ؟ كيف بدي أعيرك ياها ؟

ich gehe damit : أنا ذاهبٌ بها ..

da : أخذت محل السيارة ..

كذلك : صيغة السؤال : ماذا تقصد بهذا ؟

was meinst du damit ?

يعني ماذا تقصد بهذا ؟ damit : بهذا

..------------------------------------------------

👇

حرف جر آخر : hin : إلى

أنا مسافرٌ إلى فرانكفورت ..

ich fahre nach Frankfurt hin .

أنا مسافرٌ إلى هناك ..

ich fahre dahin

dahin : إلى هناك

------------------------------

👇

مثال آخر für : ترجمتها الحرفية : من أجل

مثال : أنا أدرس من أجل النجاح في الامتحان .

ich lerne für den Erfolg in der Prüfung

بييجي واحد طلطميس بيسألك السؤال البايخ : عم تدرس منشان تنجح ؟

Natürlich , ich lerne dafür .

طبعاً , أنا أدرس من أجل ذلك .. أو من أجله ..

Natürlich : طبعا

dafür من أجله / أو من أجل ذلك

كذلك بيجي استعمال dafür منشان إذا الواحد بيسألك عن سبب ما لطلبك..

مثلاً ليش بدك تسافر ؟ عطلة ؟

warum willst du fahren ? eine Urlaub ?

بتقله : نعم بدي سافر منشان هيك..

ich will fahren dafür .

-----------------------------------

👇

, كلمة dabei

كلمة dabei مستعملة بكثرة..لما بتروح لعند الدكتور مثلاً , بتقلك الموظفة :

Versichrungskarte dabei ?

خليك من الكلمة الطويلة Versichrungskarte و اللي هي معناها كرت التأمين الصحي و خلينا بالكلمة المهمة dabei ..

تتألف كلمة dabei من كلمتين bei و تعني عند .. و da و هي ضمير الغائب "ـه"

معنى كلمة dabei : بالمعنى الحرفي عنده .. ولكن هنن بيقصدوا بالسؤال السابق : هل يوجد هناك كرت تأمين صحي ؟ لأنها صيغة مؤدبة أكثر من

Haben Sie Versichrungskarte ?

هل عندك كرت تأمين صحي ؟

في فرق بين الجملتين من ناحية أدب السؤال لا أكثر ..

إذاً dabei معناها "عنده" أو " يوجد هناك " ..

------------------------------------------------

👇

حرف الجر : aus : معناها الحرفي "من" و بتختلف عن von من خلال صيغة السؤال..

الفرق بيناتهن بيتمثل بكون aus أكثر دقة .. مثلاً الماء من الينبوع , شغلات ذات أصل واحد عم تحكي على أصلها .. يعني تتكلم عن مصدر الشيء ..

أما von فهي تتكلم عن الجهة التي جاء منها الشيء ..

لكي نوضح الفرق ..

Ich Komme aus Deutschland

Ich komme von Deutschland

الفرق بين الاثنين أن الجملة الأولى هي للدلالة على أن أصل الشخص من ألمانيا , بالتالي هو ألماني .. ترجمة الجملة : أنا من ألمانيا ..يعني أنا شخص ألماني ..

الجملة الثانية : أنا أتيت من ألمانيا , يعني مثلاً كنت سياحة أو عمل في ألمانيا و أتيت من ألمانيا .. وهذا هو الفرق ..

المهم aus مع الحرف da بتصير daraus

لاحظ/ي أنو حطينا da -r - aus

سبب حرف r أنو بتصير تقيلة على اللسان daaus جرب تلفظها تقيلة , منشان هيك الألمان بحطو r بيناتهن .. بتصير اذلق على اللسان ..

المهم daraus : منه .. بس متل ما حكينا للأشياء ذات الأصل الواحد ..

يعني العنب من الشجرة و الملح من البحر و الشعر من الرأس و ...