تجربة ناجحة في تعلم اللغة الالمانية اعرف بدات ازاي ؟؟

تجربه Abdullah Hassan مع اللغه

the power of hope
 ناس كتير اوى الفترة اللى فاتت طلبت منى انى احكى قصتى مع الألمانى.عشان كداا هذا البوست بناء على رغبة الجماهير😁.بس قبل ده قصتى بدءت مع المانيا اذاى اصلا؟ ؟!
انا كنت بتفرج ع فيلم تسجيلى على ال ZDFF كان بالانجلش وكانواا بيتكلموا فيه عن الاطفال والتعليم ف المانيا.سرحت كده ورحت ف خيالى مكان بعيد جداا.ده كان الفجر تقريبا.كلمت واحد صاحبى وصحيته من النوم قلتله انا عاوز اسافر المانيا قالى لازم لغة.صليت الفجر وطلعت على معهد جوتة سألت اقرب ميعاد كورس المانى امتى ؟ كان بعد اسبوع حجزت الكورس.مكنتش اعرف اى كلمة ف الالمانى.اخدت ال A11 مكثف ف شهرين.كنت بروح من طنطا للدقى يومين ف الاسبوع .كنت بطلع 6 الصبح وبرجع 6 بليل ووقتها كنت شغال ف صيدليه وبدى كورسات لصيدلة وبذاكر المانى..طبعا مش عاوز اقولكم كمية الناس المحبطة اللى قالوا انت شغال وبتكسب كويس.وكدا كدا مش هتكمل والمشوار كبير وشغلك بيتعطل وكلاام من هذا القبيل الفاشل ده.مش هنسى أول كلمة المانى واول حصة.كانت فراو اسمها سونيا هلال دخلت قالت لكل اللى موجودين guten Morgen وشاورت بايديها كرروا.ومن وقتها اخدت اول قاعدة:عشان تتعلم المانى متترجمشى لعربى ومتكلمشى عربى وانت ف كورس.ف اخر ال a1 جالنا مدرس تانى اسمه د.محمد حبيب اتعلمت منه الثقة وقاعدة تانية اهم.ماتسألنيش معنى الكلمة ايه، اسالنى معنى الجملة ايه او قولى الكلمة بس ف جملة😍.اتعلمت منه الثقة وانى اقدر.
 بعد اول شهرين دول ماكنشى عندى وقت خالص انى اروح القاهرة يومين ف الاسبوع وكنت اتاسست صح وعرفت الطريقة اللى بيدرسوا بيها وكمان عاوز انجز ف وقت.
جبت كتبى منشن a2 و b1 
كان كل ليفل 244 درس.قلت كل يوم درسين هذاكرهم وفى يوم راحة ف الاسبوع.فعلا عملت ده وخلصت ال a2 و b1 ف شهر.ماكنتش عارف انا ماشى صح ولا غلط.قلت ادخل امتحان ال b1 واقيم نفسى.دخلت الامتحان نجحت ف كل الاجزاء ب سكور ماعدا الhören جبت فيه 57 والنجاح من 60.قلت لنفسى انا كدا ماشى صح.بدل ماستنى وادخل اى hören بتاع الb1 لوحده.كمل وادخل الb2 على طول.فى ال b1 كنت خلصت كل الجرامتيك.جهزت نفسى لل b2 عن طريق انى اجيب مقالات وكتب وقراءة وكتابة وسمع وكلام
 كنت كل يوم لازم اعمل الاربع حاجات.القراءة والكتابة والسماع والكلام.فضلت ع كده شهر ونص ودخلت والحمد للله نجحت..لما خلصت b2 وعلى ماخلص اجراءات السفر فضلت 3 شهور من غير المانى.حسيت انى نسيت
كنت حاجز من مصر كورس اعدادى لامتحان الdsh .كان مدته 33 اسابيع.اول مابدءت الكورس كان معايا 3 بنات روسيات دخلوا الامتحان ده 4 مرات وف المانيا من 5 سنين ومش عارفين ينجوا وكل الباقى دخل مرة و2 ومش عارف ينجح بلاس انى اكتشفت ان ف حاجات كتير ماكنتش اخدتها ف مصر..غير طبعا المحبطين مستحيل تنجح من اول مرة!ف ناس هنا بقالهم سنين مش عارفين ينجحوا..كل الكلام ده كان بيزيدنى اصرار انى انجح.ف ال 3 اسابيع دول عملت كل اللى اقدر عليه
 جه الامتحان بعدهم.اللى كانت بتدينا الكورس المانيه قالتلى افطر يوم الامتحان(كنا ف رمضان)وكان معايا ناس توانسة هتفطر لأن الامتحان طويل ومتعب..قلتلها انا هنجح بسبب صيامى ده👊.والحمد للله كنت واحد من ضمن 5 نجحواا.
#متخليش حد يحبطك..انت تقدر تعمل كل حاااجة.
#الارادة القوية تقصر المسافات.
#طابعا جاهز للرد ع كل استسفارتكم ..ويارب بالتوفيق لي
المصدر  

الدراسين في المانيا

.
.

.
.