أحب اشارككم تجربتي في الحصول ع فيزا دراسة لمدة ٦ شهور ( نصف منحه )
انا معايا بكالوريوس هندسة كهرباء قوي بتقدير عام جيد جدا واشتغلت فترة في شركات كبير جدا في المجال لمدة سنة ونص وبعد كده فكرت اعمل ماجستير واخدت الموادالتمهيدية بتقدير عالي وبدات اشوف مشرفين ع الرسالة .... ربنا رزقني بدكتور محترم له علاقات بأحدي الجامعات الألمانية اللي بتدعم التبادل الطلابي وهو رشحني اطلع ادرس هناك ٦ شهور وتعتبر نصف منحة .... يعني انا متحمل نصف التكاليف ... لكن الطيران عليهم .
كان في شروط معينة زي تقديراتي تكون كويسة و خطابات تزكية والسن تحت ال ٢٨ و تويفل او ايلتس وحاجات تانية بسيطة بس دي الأهم .
الجامعة بعتتلي الدعوة والقبول وقالتلي الداد هيساعدك في الفيزا وبالفعل تواصلت مع الداد وطلبوا مني شوية أوراق ووثائق وخطابات تزكية و اتش أر و مليت بيانات وكام ابلكيشن ...... ورحت للداد راجعوا الورق وهما اللي حددوا معاد السفارة كان بعدها ب أسبوع تقريبا .
روحت السفارة بالجواز والورق والوثائق والتأمين وده مهم جدا انه يكون مغطي فترة الدعوة اللي جايالك بالكامل .
في المقابلة كانت ربع ساعة .... ساعات أنجلش وساعات عربي وأسئلة بسيطة سافرت فين قبل كده ... ناوي تعمل ايه هناك .... درست ايه ..... بتتكلم ألماني أوعي تكذب عشان الحوار هيقلب ألماني 
😀 حاجات بسيطة بس يكون عندك ثقة بنفسك
😀 حاجات بسيطة بس يكون عندك ثقة بنفسك
سبتلهم الجواز مع الورق .
بعد أسبوعين ونصف بعتلهم ميل بستفسر عن حالة الجواز ردوا عليه انه جاهز ... روحت أخدته وبدات احجز الطيران واجهز نفسي ...
ان شاء الله كلكم تحققوا كل أحلامكم واشوفكم في ألمانيا قريبا.
الكلام علي عهده احد اعضاء الجروب طبعا
المصدر
Hesham A. Othman
.
.
.
.
.
.
0 علق برقم 1 هنا
