انا ليا تجربه فى الدراسه فى اوكرنيا

ماشاء الله جروب مميز واعضاء مميزين واداره مميزه
فعل توفير المعلومه وسعى اشخاص لخدمه اخرين بدون مقابل وبدون معرفه ده
 (من كان في حاجة أخيه كان الله في حاجته).

انا ليا تجربه فى الدراسه فى اوكرنيا 
فكنوع من المشاركه بالمعلومه والمشاركه بالتجربه هقول تفصلها فى البوست ده للاعضاء
اولا الدراسه فى اوكرنيا تجربه كويسه ولها مميزتها وعيوبها
طبعا هبداء بالمميزات انها رخيصه جدا مقرنه باى مكان تانى
كذالك رخص المعيشه رخيصه جدا
بالاضافه انك تقدر تاخد من هناك كليه هندسه او طب بغض النظر عن مجموعك
وكمان ممكن تدرس بالانجلش ومش شرط تكون معاك شهاده معينه فيه
ومتوفر الدراسه بالروسى والاوكرانى
والشعب الاوكرانى من خلال عيشى سنه هناك شعب طيب جدا
رخص السكن الجامعى انا كنت فى سكن جامعى ب 3000 دولار غرفه لوحدى لمده سنه

ناتى للعيوب من وجهت نظرى
 اول عيب اوكرنيا لرخص المعيشه الانحراف فيها سهل جدا و واعرف نماذج كتير رايح لهدف اول ما وصل ضاع حرفيا وبقارن الشعب الالمانى بالاوكرانى لا الالمان محترمين جدا جدا مقرنه بيهم

المهم شركات النصب اللى بتستغل الطلبه وتمص دمهم ودى انا وقعت تحت ايديهم
وللاسف مثلا بيقول للطالب المصريف مثلا التحضيرى 35000 دولار فى حين ان تكلفته بتبداء من 600 ل 1200 دولار حسب الجامعه والمكان
وغير انه ممكن يضيعك ويضيع عليك سنه اعرف اكثر من صديق ضيعوا ليهم سنوات دراسيه
وغير انه بينتهذ اى فرصه بعد كدا يمص دمك وياخد منك فلوس
النقطه التانيه البعض يراها ميزه لكن انا شيفها عيب
ان النجاح فيها سهل وممكن تنجح بدون ميكون عندك التحصيل  العلمي المطلوب فطبعا ازاى هتكون مهندس او دكتور بدون تحصيل علمى او ازاى تمارس مهنت الطب او الهندسه انت وضميرك الشخصى
لكن بردك فيه امكنيه انك تجمع معلومه ويكون عندك تحصيل علمى وده  بيتوقف عليك

موضوع السفاره وطبعا ده الكرت اللى بتستخدمه الشركات
للنصب ع الطلبه وللاسف السفاره المصريه باوكرنيا  قننت ليهم الوضع وخلت مص دم الطلبه قنونى

الشركات دى اغلبها بتضمنلك انها تجبلك التاشيره
ولو قدمت انت لوحدك فرصتك 700 فى الميه لكن معاهم اكيد هتجبلك التاشيره

اما عن خطواط السفاره انا قدمت من سنه ونص بتحتاج قبول جامعى
وكشف حساب بنكى ليك او لحد من اهلك
فيه مايقارب من 3000 دولار تقدر تحطهم وتسحبهم تانى يوم
تامين طبى وتامين للسفر وكشف طبى
واخدت ما يقارب من 45 يوم لما اخدت التاشيره
 وكنت مقدم لوحدى بدون شركه

دا اغلب التفصيل
 واللى عنده اى استفسار يتفضل

Mohamed Gabll

المصريين في ألمانيا - Deutschland für Ägypter

.
.

.
.