في الجامعات الحكومة الالمانية الدراسة بتكون مجانا يعني بس مصاريف بسيطة بتاعت التسجيل وكدة فا دي فرصة كبيرة لكل طالب عاوز يكمل دراسته المانيا بتوفر ليه دراسة مجانية وحياة انسانية وفرصة للاقامة والعمل في المانيا بعد الدراسة والاقامة الدائمة ولم شمل الزوجة والابناء
ومنظمة الداد كاتبة ان تكاليف الدراسة في المانيا 9.170 يورو في السنة منها 470 يورو مصاريف الكلية و 8700 مصاريف الحياة في المانيا زي الاكل والموصلات والسكن والترفيه ومستلزمات الدراسة الكتب والدفاتر والاقلام
طيب ايه تكاليف الحياة في المانيا
ده بيختلف من مدينة لمدينة الحياة غالية جدا في المدن الكبري زي ميونخ ودول المانيا الغربية من 350 يورو الي 1.000 يورو شهريا واغلب المبلغ ده هتدفعوا في الايجار بس لو دورت علي سكن مشترك هتكون العملية اقل 298 يورو في الشهر او السكن الطلابي وبيكون 240 في الشهر
والحسبة ممكن نقعد نشرب شاي سوا ونحسبها يلا بينا
الاكل 165 يورو
الهدوم 52 يورو
الموصلات 82 يورو لو معاك عجلة هتوفر اكتر
- التليفون والنت 33 يورو
- الكشاكيل ومستلزمات الدراسة 60 يورو
- المواد الدراسية: 60 يورو
- الفسح والسيلفي والخروجات : 68 يورو
ومتنساش انك لازم يكون معاك فلوس الحساب المغلق وده هناك بيدوك مصروف منوا كل شهر
وكمان هتحتاج تامين صحي ساري ولو معندكش هتدفع 80 يورو او 160 يورو في الشهر يعني لازم تطلعوا
نيجي بقي لتكاليف الدراسة في المانيا لكل مستوي تعليمي
اول حاجة البكالوريوس
في رسوم بتدفعها بسيطة كل فصل دراسي حوالي 150 يورو الي 250 يورو وكمان ضع معاها
100 يورو مصاريف الموصلات العامة لمدة ست شهور
لازم تعرف ان اغلب الجامعات في المانيا حكومية مجانية بس فيه بردو جامعات زي جامعة Witten-Herdecke مصاريفها في السنة 20.000 يورو رسوم دراسة فقط
وركز في النقطة دي جدا
فيه طريقة بعض الناس بتعملها انها بتقدم علي برنامج بيساعد الطلبة الي عمرهم اقل من 30 سنة او اقل من 35 سنة وده بيدي الناس الي ظروفها مش اوي او معاق بيديهم منحة بتغطي بيها مصاريف الحياة والتدريب لو هتتدرب وده اللينك بتاعهم
نيجي بقي لتكاليف دراسة الماجستير والدكتوراة في المانيا
الماجستير دراسته في المانيا بردو تعتبر مجانية بس بشرط انك تقدم علي الماجستير بعد ما تاخد البكالريوس علي طول من اي جامعة في المانيا يعني مصاريف بسيطة بتاعت التسجيل وكدة زلازم تقدم الماجسيتير في نفس المجال الي دراسته
ولو عاوز تقدم ماجستير في مجال اخر او انت درست البكالريوس في بلدك فا تكاليف الماجستير اكتر من 10.000 في الفصل الدراسي الواحد ده باالنسبة للجامعات الحكومية لان في الجامعات الخاصة بقي حوالي 30.000 يورو في السنة
مصاريف الدكتوراة في المانيا
مصاريف الدكتوراة في المانيا في كل الجامعات ببلاش مجانا اول ست فصول دراسية
يعني بتدفع مصاريف التسجيل وكدة وهي رمزية 150 او 200 يورو
أما بالنسبة لدرجة الدكتوراه فالرسوم الدراسية مجانية في كل الجامعات في ألمانيا ولأول 6 فصول، لكن يتوجب على الطلبة دفع رسوم فصلية مقدارها 150 – 200 يورو لتغطية تكاليف التسجيل وتكاليف أخرى.
فيه منظمة اسمها الداد في المانيا وهي بتوفر للطلبة الدوليين منح مجانية للدراسة بشكل مجاني تماما في المانيا وعدم دفع اي مصاريف وبتديها لكل المستويات الدراسية
وفيه كمان اماكن ممكن تمول بيها دراستك بشكل مجاني في المانيا زي منظمة
Bundesministerium für Bildung und Forschung
ولو عاوز تعرف معلومات اكتر عنها ادخل من هنا!
اتمني ان اكون افادتكم بهذه المعلومات المختلفة عن المصاريف المختلفة في المانيا
موقع المانيا 5 وبالتوفيق للجميع
.
.
.
.
.
.
0 علق برقم 1 هنا
