منقول من
Nader refaat
البوست ده عن اهم النقط اللى محتاج تعرفها فى المانيا من واقع خبرتي القصير
1- الدراسه
==========
الدراسه عاده بتكون بنظام التيرمات فيه تيرم صيفي و تيرم شتوي الصيفي بيبدأ فيه ابريل و الشتوي في اكتوبر و عاده مش بيكون فيه وقت كبير بين انتهاء المحاضرات و الامتحانات فلازم تزاكر من الاول
الدراسه هنا بتعتمد على البحث فى المصادر المختلفه محدش هيبسطلك المعلومه و يحكيلهالك فصوره قصه بسيطه عشان تحفظها لازم تقرا نفس المعلومه من اكتر من مصدر عشان تفهمها كويس وده نظام صعب ولكن بيخليك تدرب على النظام البحثي و الاعتماد على مصادر اوليه و مراجع و العلم فصورته الاولى اللى هيا الابحاث
عاده نظام الشرح بيكون من البور بوينت و البور بوينت مش بيكون فيه كل حاجه مجرد عنواين تساعد المحاضر في تنظيم المحاضره مع بعض الرسومات للتوضيح لكن الشرح نفسه لازم حضرتك تكتب او تسجل ورا المحاضر و ترووح تقرا اكتر عن النقط ديه و تبلور العناصر الاساسيه فكل محاضره و تفهمها كويس و تعرف انت مطلوب منك ايه فالامتحان
لازم تعرف المصادر اللي المحاضر بيعتمد عليها لوضع المنهج لان ديه اللى هترجعلها في حاله انك عاوز تفهم نقطه اكتر او تشوف امثله اكتر
حاول تستخدم اليوتيوب هتلاقي فيديوهات ممتازه بتشرح حاجات صعب تتفهم من غير فيديو خصوصا الحاجت العلميه
دور على المنح و التدريبات عمليه و الكورسات المجانيه و قدم على interships هتفيدك جدا فالسي في بعدين
2- السكن
========
افضل سكن طبعا سكن الطلبه لانه بوفرلك امكانيات كتيير و باسعار اقل من بره بس عموما السكن فحدود 200 يورو ل 350 للغرفه المفرده فيه شقه مكونه من غرفتين او اكثر لحد 6 غرف و في مواقع كتير ممكن تدور فيها على سكن ولكن ممكن تقابل مشكله انك متعرفش تحجز سكن الا لما توصل لان غالبا اصحاب السكن بيطلبو انهم يقابلوك قبل ما تعمل العقد
طيب ممكن تعمل ايه ؟ ممكن تحجز فهوستل و هي فنادق للشباب بتكون رخيصه تبتدي من 9 يورو للليله و بتكون غرف مشتركه طبعا ممكن تحجز من على النت بدون دفع اسبوع مثلا او اكتر لحد ما تلاقي سكن كويس مناسب تستقر فيه
الهوستل
للبحث عن سكن
3- المواصلات
===========
شبكه المواصلات في المانيا ممتازه و مترابطه جيدا و تعد الافضل على مستوي اوروبا
فيه انواع كتير منها الترام و الدويتش بان و الاس بان و المترو و الاوه بان
طيب المهم بقي بالنسبه للمواصلات
كل ترام او اتوبيس ليه ميعاد لازم تعرفه عشان متطلعتش على المحطه و نفس المحطه بيعدي عليها كزا خط متنزلش تركب و خلاص شوف الرقم اللى انت هتركبه و بيجي الساعه كام بالزبط
و فيه اندرويد ابليكيشين ممكن تنزله بتكتب اسم المحطه اللى واقف فيها و اللى عاوز تروحها و هو بيقولك هتركب خط كام و هيجي امتى
اولا ما توصل لازم تروح الجامعه تطلع الكارنيه لان ده كارت موصلاتك المجانى فالمواصلات داخل المدينه و طبعا ده هياخد وقت فبطلع واحد مؤقت تركب بيه لحد ما الاساسي يطلع
اخيرا فيه مواقع زي https://www.ryanair.com/gb/en/
بيكون عليها رحلات طيران رخيصه جدا داخل اوروبا لو حابب تسافر بلد قريبه ممكن يوصل العرض ل 3 يورو بس طيران لحد لندن مثلا
بالنسبه للسفر الداخلى الدويتش بان طبعا ممتاز و فيه عروض بتبقي عليه
و الارخص الاتوبيس و فيه شركات كتير اسعارها كويسه جدا زي
4- الاتصالات :
==========
فيه شركات كتير زي o2 and Vodafone de and aldi
ممكن تعمل عقد بسنه او اتنين او تشتري خط و تعمل باقه و بتبدي من 5 يورو فيه باقه كويسه ب 10 يورو بتديك 200 دقيقه او رساله و 500 ميجا انترنت و بعدها السرعه بتنزل و النت مش بيقف و فيه ب 30 يورو بتديك 3 جيجا و مكالمات مفتوحه داخل المانيا و الانترنت موجود فالجامعه و السكن الجامعي و بعض الاماكن بيكون فيها شبكات مفتوحه زي ماكدونالز
5- الشراء :
==========
طبعا فيه محالات كتير بس اغلبها مش رخيص خصوصا انك لسا مش بتشتغل
الرخيص :
Primark
Kik
C & A
Woolworth
TK max
بالنسبه للجزم و الكوتشي : Deichmann
بالنسبه للادوات المكتبيه و اداوت المطبخ و الادوات المنزليه : http://www.mac-geiz.de/
و كمان euroshop
فيه اسواق اسبوعيه للخضروات و الفاكهه بتكون ارخص اعرف اماكنها و مواعيدها
فيه اسواق مستعمل ليها مواعيد اعرف برضو المواعيد و الاماكن
بالنسبه للشراء اونلين : amazon.de , ebay.de , ebay kleinanzeigen
ممكن تعمل prime account على amazon لمده سنه ببلاش و ده هيفيدك انه هيديلك عروض و خدمه توصيل اسرع مجانى و ممكن يديك رصيد فالاول ببلاش و لو دعيت حد بتاخد 15 يورو على كل شخص
هتحتاج تعمل كريدت كارد للشراء الاونلين لان كارت الدويتش بانك مش كريدت كارد
http://www.germany.travel/…/shopping-c…/shopping-centre.html
6- الاكل
========
قدامك حلين الاول مطعم الجامعه او MENSA بيقدم اطباق ممتازه و متنوعه و اسعارها ارخص من بره بكتيير فحدود يورو و نص لخمسه يورو
الحل الثاني هو الارخص انك تشتري من السوبر ماركت و المانيا فيها سلاسل ماركت كويسه و رخيصه و لكن احذر ليس كل الماركت رخيصه ………….الارخص و الاشهر Aldi – Leidl – Penny – Rewe
بالنسبه للاكل الحلال موجود فيه الماركتات العربيه و التركيه فقط اسئل عنها
7- الخدمات اللى الجامعه بتقدمها
=====================
طبعا هيا خدمات كتير مثل قاعات للمذاكره الفرديه او الجماعيه و انترنت و خدمه تصوير و طباعه ارخص من بره بكتيير و مكتبات و معارض و متاحف و حاجات كتير
اتحاد الطلبه بيعمل عروض و رحلات و حفلات خصوصا فاول التيرم و خدمات وظايف
كذلك نوادي الطلبه بتعمل حفلات شهريه و رحلات تعرف على المدينه
فيه يوم من اول كل شهر بيكون دخول المتاحف مجانى لو حابب تتفرج او تتفسح
8- فيه شويه حاجات لازم تعملها اول ما توصل
============================
- تسجل نفسك فالبلديه و تثبت محل اقامتك
- تعمل تامين صحي بيكون من 50 –80 - يورو فالشهر زاد دلوقتي و بيغطي كل التخصصات
- تفعل الحساب البنكي
- تشتري خط تلفون
- تروح تسجل نفسك فالجامعه
- تسجل نفسك في المواد اللى هتختارها
- لو فيه كورسات لغه تبع الجامعه سجل نفسك لو محتاج تقوي اللغه
- تقدم على الاقامه
9- بعض المدن و يمكن كلها ممكن تقدم على حاجه اسمها welcome bonus
ده بيكون للطلبه و بتقدم عليه في البلديه و بيديك 150 يورو هديه بعدها بكام شهر
10- نصائح عامه
============
- ممنوع تنزل تورنت و الا ستتعرض لغرامه كبيره جدا
- اعرف كيفيه فصل النفايات
- اعرف قوانين المرور و عبور الطريق
- فيه حاره على الرصيف للعجل متمشيش عليها
- ممكن تشترك في جيم بعقد سنوي ب 15 – 20 يورو فالشهر و فيه تخفيضات للطلبه
- الشنط و اكسسوار الموبيل و الكومبيوتر غالى جدا هنا اشتري من مصر ارخص
- العجل وسيله موصلات و رياضه جيده جدا و فيه مراكز صيانه باسعار رمزيه للطلبه
- فيه هيئات بتنظم رحلات للمدن القريبه سواء فى المانيا او خارجها باسعار رخيصه جدا رحلات لمده يوم او اتنين لو حابب تتعرف على المدن الاوروبيه
- اي مكان فى المانيا او مكتب او مبني ليه مواعيد و المواعيد هنا مش ثابته يوميا يعني فيه ايام بيقفلو بدري ساعتين مثلا او بيفتحو فى مواعيد معينه فلما تبقي رايح اي مكان اعرف مواعيده كويس
- اغلب المحلات بيقفل الساعه 8 و يوم الحد اجازه كل حاجه قافله فلازم تشتري حاجتك كلها قبل الاحد و قبل الساعه 8
- نام بدري عشان تصحي بدري و تستغل يومك لان لو صحيت متاخر هتلاقي كل حاجه قفلت او خلاص هتقفل و مش هتعمل اي مشاوير
- الالمانى مهم جدا لان فيه ورق كتير و جوابات كلها بالالمانى و كمان فيه اعلانات فالجامعه مهمه و فيه اماكن كتيير ميعرفوش انجليزي و فيه مواقع كتير مفهاش غير المانى
- ممكن تنزل google translate german offline package عشان تترجم لو معكش انترنت و فيه خاصيه الترجمه بالكاميرا بدل الكتابه
- نزل offline maps for google
.
.
.
.
.
.
0 علق برقم 1 هنا
