علشان نوضح موضوع ختم الخارجية ده بصورة نهائية والناس تبقى فاهمه المشكلة ايه ، خصوصا لو راح لمكتب خارجية وحب يعدل الورق بتاعه يمكن ربنا يكرمه ويقدر يحلها ويعرفنا وصل لايه .
رقم 1 - ده رقم التصديق يعنى الراجل بيسجل اسمك واسم الشهادة سواء ثانوية او تخرج او ميلاد ويكتب الرقم الى قدامها فى الدفتر على الختم .
رقم 2 - ده تاريخ التصديق علشان صلاحية التصديق زى ما انتوا عارفين .
رقم 3 - ( وهى دى الى عليها المشكلة كلها ) مكتوب فيها " تصدق على صحة الخاتم والتوقيع النهائى الى / .......................................... " دى الموظف المفروض لما بيلاقى امضاء الشخص المسؤول زى مثلا نائب الجامعة لو هى شهاة تخرج او حد مدير سجل مدنى لو هى شهادة ميلاد او قسيمة جواز وهكذا ، المفروض انه هو يكتب فى النقطة دى اسمه و وظيفته وهو المفروض عنده كشف بنماذج التوقيعات والاسم والمنصب بتاع كل واحد .
رقم 4 - دى امضاء موظف مكتب الخارجية والى موجود زيها نماذج توقيع فى مكتب السفارة قدام الموظفة للمراجعة ومنع التزوير .
اتمنى تكون الصورة وضحت وربنا يسهل ان شاء الله والوزارة مع السفارة كدا يلاقوا حل للمشكلة الكبيرة دى لان كدا معناها ان مفيش اى حد هيعرف يوثق اى حاجه خالص وهتتسبب فى عطلة وازمة مواعيد كبيرة .. ربنا يحلها من عنده .
تحديث :
السفارة نزلت على موقعها الكلام ده .. يعنى محدش يتعب نفسه ويروح يصدق ورق من السفارة الا لما يكون الشروط دى متحققه .وياريت الى يقدر يعدل ورقه من مكتب خارجية والمكتب يوافق يكتبله اسم الموظف ومنصبه ياريت يعرفنا .. وشكرا
المصدر
Mohamed Gamal Ashry
.
.
.
.
.
.
0 علق برقم 1 هنا
