بوست هام جدا ....
دلوقتى السفارة الالمانية من امبارح رافضة توثق اى شهادة او ورقة من اى نوع من غير ما يكون عليها ختم الخارجية بصورة كاملة ومش ناقصه حاجه .
يعنى ايه ختم كامل .. ؟؟؟
مثال : شهادة التخرج مثلا بتمضيها وتختمها من الجامعة وبعد كدا من مكتب امين الجامعة او ادارة الجامعة وثتها بتكون خلاص معتمدة وجاهزة تتمضى وتتوثق من الخارجية.
المفروض ان الموظفين الموجودين فى مكاتب الخارجية عندهم قائمة بالامضاءات المعتمدة واسماءهم و وظيفتهم ولما بيشوف الامضاء دى بيعتمد ويوثق الشهادة.
الطريقة الصح انه يختمها ويكتب انه تم التصديق على امضاء فلان ( ويكتب اسمه ) والذى يعمل ( ويكتب وظيفته ) وبعدين يختم الختم المربع و ختم النسر ويمضى.
انما الى بيحصل من زماااان انه بيمضى وخلاص ويحط الاختام وميكتبش اسم اى حد .
السفارة من امبارح تقريبا موثقتش ورقة واحدة لاى شخص وكمان النهارظة تقريبا ناس كتير جدا رجعوا.
الى حصل ان الناس بتوع امبارح خرجوا وراحوا سالوا فى مكاتب الخارجية وقالولهم منعرفش اى تعليمات زى دى وده التوثيق الى عندنا وبعدها ناس طلعت على ديوان عام الوزارة ومضوا اى امضاء كدا شخبكة برده من غير اسم وراحوا النهارده علشان يوثقوا وبرده سمعوا نفس الكلام .. انه لازم اسم و وظيفة الشخص.
الكللام ده ينطبق على اى ورقة بتتوثق دراسة او زواج او ميلاد او اى حاجه .. وحسبى الله ونعم الوكيل فى السفارة وفى الخارجية وفى البلد الزبالة دى .
وياريت اللى يعرف حاجه جديدة عن الموضوع يقولنا وصل لايه.
المصدر
Mohamed Gamal Ashry
.
.
.
.
.
.
0 علق برقم 1 هنا
