وخلصت الايلتس
😕 من واقع تجربتي المريره في هذا الامتحان المتوحش 
😜لازم اقولكو ان الي داخل الامتحان دا من غير تجهيز هيشيل اوبح والي معتمد انه فت ف الانجليزي هيشيل اوبح بردك والي معندهوش حصيله كلمات كدا يسلم عليهم و يسحب فلوسه احسن .. الامتحان دا ساعتين و اربعين دقيقه بالظبط هيطلب منك تيجي ٧:٣٠ الصبح عشان التجهيز لكن الامتحان هيبدء فعليا ٩:١٥ اول ما توصل روح شوف اسمك ورقمك والصف بتاعك ف ورق هتلاقيهم معلقينه علي مدخل القاعه .. الساعه ٨ هيبدء التسجيل خد معاك بطاقتك او باسبورك اوالحاجه الي انتا مسجل بيها من غيرها لو وقفت علي دماغك مش هتدخل .. ف مكان مخصوص هتسلم فيه كل حجاتك المعدنيه زي الساعه او الخاتم لو لابس ممكن تخلي محفظتك معاك عادي و بطاقتك او باسبورك .. متحولش تعمل ناصح و تخبي حاجه معاهم اجهزه كشف معدن احدث من الي ف المطار 😜وهيتكشف عليك قبل ما تدخل .. اول جزء الاستماع ودا مدته ٤٠ دقيقه وحط تحت كلمه استماع دي ١٠٠ خط لازم تبقي مركز جدا جدا هتسمع و تحل علي طول ليك سماعتك الشخصيه الي هتسمع بيها .. تاني جزء القراءه لو محسبتش وقتك كويس روحت ف داهيه والله المستعان بيجيلك ٣ قطع كل واحده انيل من التانيه والجزء دا مدته ٦٠ دقيقه .. اخر جزء الكتابه وهنا الابداع بجيلك عن موضوعين الاول تكتب فيه ١٥٠ كلمه و التاني تكتب فيه ٢٥٠ كلمه هما بينصحوك تبدء بالقطعه التانيه واسمع كلامهم و بلاش فذلكه عشان الوقت ومدته ٦٠ دقيقه بردو ..كمان ف نهايه كل جزء هتسمعهم بيقولو الوقت خلص حط قلمك و متكتبش حاجه زياده عشان ممنوع وممكن ورقتك تتسحب .. خلص تطلع من القاعه هتلاقيهم معلقين ورق جديد بمعاد المقابله الشخصيه وغرفه رقم كام و الساعه كام تيجي قبل معادك بنص ساعه هيندهو عليك هتطلع تتصور و تدخل المقابله الشخصيه .. مدتها ١٥ دقيقه اول حاجه هتتسأل اسأله عاديه زي اسمك وبتدرس ايه ومن فين ..وبعدين نيجي لمرحله الوحش هتاخد ورقه مكتوب فيها موضع تقراهاكويس جدا عشان هتتكلم لمده دقيقتين متواصل ف لو معندكش حصيله كلمات تبقا بلح ولو عندك ومعرفتش ترتب كلماتك يبقا بلح بردو..نتيجتك بتظهر بعد ١٣ يوم بالظبط ... واي حد ناصح هيسألني عن نتيجتي هزعله
😁 .. مع اطيب تمنياتي بالتوفيق للكل المصدر
Ahmed Momtaz
.
.
.
.
.
.
0 علق برقم 1 هنا
