خطوات الدراسه في النمسا

** ناس كتير اووي طلبت اني انزلهم بوست اعرفهم فيهم (خطوات الدراسه ف النمسا) . بصفه مبدئيه اقوي جامعتين هنا( جامعه فيينا) وبعدين ( جامعه جراتس) يعني اللي هيجي يقدم هيدخل ع الجامعتين ويشوف التخصصات ..
 ## اول نقطه هنتكلم فيها ازاي تجيب موافقه من الجامعه لتكمله الدراسه ف النمسا

* اولا لو كنت حاصل ع بكاليريوس ومخلص دراسه ف مصر
11-بيان درجات الثانويه العامه موثقه من وزاره الخارجيه ومترجمه من عند مترجم معتمد لدي السفاره النمساويه 
2-بيان درجات 4 سنين موثق بردو من الخارجيه ومترجم للغه الالمانيه
33-افاده انك مقيد ف اي دراسات عليا تبع المجال اللي هتكمل دراستك فيه النمسا سواء كانت دبلومه او تمهيدي هتجيب افاده وبردو هتتوثق من الخارجيه وتترجم للغه الالمانيه

3 شهادات دول هيتوثقو من السفاره النمساويه وبعدين هيتبعتو ع عنوان الجامعه عن طريق اي شركه شحن زي TNT او DHL بعدها بشهر بالكتير هيردو عليك بالموافقه وهيبعتوها ع نفس العنوان اللي انت هتكتبه ع الظرف من بره

* داه للناس اللي خلصت دراسه ف مصر اما ف حاله الناس اللي لسه بتدرس ف مصر هيعملو

1- بيان درجات الثانويه العامه بردو موثق ومترحم وموثق من السفاره
22-افاده من الكليه انه مقيد ف الكليه وف الفرقه كذا ويترجم ويوثق ويبعت ع الكليه ويكمل نفس الخطوات
 بعد الموافقه متطلع هتاخد الموافقه وتروح السفاره تقدم ع الفيزااا وطرق التقديم ع الفيزا ف النمسا غير المانيا خالص ..
 الناس بقا اللي بتدور ع المنح هتتابع ع مواقع الجامه وف السفاره بس فرص مصر للمنح دي بتبقا ضعيفه شويه ليه الله اعلم واللي بيلاقي منحه ف تخصصه اكبر شرط بيعحز اللغه لازم يكون معاك مستوي B2-C1 وداه صعب اووي تجتازه ف مصر
 اهم حاجه ف كل الموضوع وانت بتوثق كل الورق داع ف السفاره بعد مبتاخد ميعاد وقبل التوثيق بتعمل مقابله مع القنصل هيسالك اسئله عاديه جدا ولازم ترد عليه بالالماني او انجلش وبيسال اسئله عاديه جدا زي اسمك سنك دراستك ايه ف مصر وهتدرس ايه ف النمسا وليه اخترت النمسا بالتحديد وحجات زي كده .. يعلم ربنا انا مشغول اد ايه بس انا نزلت البوست علشان ناس كتير جدا كلمني انبوكس وطلبو داه
 اتمني البوست يفيد الناس وهرفق ناو مواقع جامعه فيينا وجامعه جراتس ف البوست علشان يسهل ع الناس انها تدخل وتشوف تخصصاتها
ان شاء الله هيكون ف بوست تاني ازاي وطرق التقديم ع الفيزا
دي لينكات جامعات فيينا الكليات النظريه والعلميه
وجامعات جراتس النظريه والعلميه
 بالتوفيق للجميع ان شاء الله

http://www.tuwien.ac.at

https://www.tugraz.at/home/

https://www.uni-graz.at/…/studieninteressi…/studieneinstieg/

http://www.univie.ac.at/

المصدر

Hamada Mohamed‎‏.

الدارسين في المانيا

.
.

.
.