تجربة بدون معلم من الصفر حتي الوصول الي A2

تجربة تعلم ذاتي بدون كورس لمستوي A1 &A2
حد طلب مني احط البوست مش شاير ..
تاريخ البوست من سنة بالظبط
يارب تنفع حد
الحمد لله من ايام امتحنت امتحان تحديد مستوي اللغة الألمانية في معهد جوته ..
ليا قرابة ال10 شهور باتعلم الماني مع نفسي في البيت ..
ابتديت بدولينجو ...ابليكاشن لطيف علي الاندرويد .. (((نص ساعة يوميا)))
و بعدها بدات في برنامج memrise ..برضه ابليكاشن ..خلصت كورس ال A1 وال A22 ...(((ساعة الا ربع يوميا ))
و سمعت تسجيلات لطيفة اسمها Pimsleurr .. حوالي تسعين تسجيل كل واحد منهم نص ساعة و ممتع جدا سمعت اغلبه وانا بنضف و ارتب او بسوق او في المواصلات ...(((نصف ساعة يوميا )))
الحمد لله نتيجة الامتحان كانت امكانية دخول كورس ال B1
يعني نطيت A1 و A2 .. يعني نص الطريق تقريبا ..
انا بقول ده ليه...
 أولا : عشان مش مقتنع بفكرة ( داري علي شمعتك تقيد ) و ( استعينو علي حوائجكم بالكتمان اللي هو حديث شريف بس مظنش تفسيره نخبي اي انجاز او خير خوفا من الحسد خاصة لو هيحمس غيرك يقلدوك )
 ثانيا : عشان بس اللي شايف موضوع تعلم اللغة الالمانية مكلف للمال او للجهد او للنفس ..اقدر اقوله تقدر تقطع مسافة كبيرة و اكبر من اللي قطعتها و في وقت اقل لوحدك بدون صرف شلن وفي وقت قليل (((قرابة الساعة ونصف يوميا ))) و بحاجات ممتعه جدا
اخيرا : عشان بعد كله ده ملقتش حجز في كورس ال b1 بتاع جوته O_oo وعايز اي حد ليه خبرة يدلني علي مكان تاني يكون حلو زي جوته و قريب من اكتوبر او الجيزة ولو ارخص مش هقول لا :D

حاليا انا بتسلي في موقع لطيف قالي عليه صديق اسمه www.nachrichtenleicht.de
وبيقدم اخبار حقيقية بلغة بسيطة ... لحد ما ربنا يفرجها و نلتحق بكورس
وفيه كمان موقع DW رائع للتعليم برضه جربته في البداية بس الابليكاشن كان امتع و اسهل ....
 انا مش عارف هسافر المانيا ولا ..بس عارف ان المانيا مش سفر و هجرة بس .. دي حضارة وثقافة ..وحتي لو انتهي بيا المطاف في حلايب و شلاتين :D فاعتقد هيفيدني ولو بالشعور اني اتعلمت  حاجة جديدة في وقت كان فاضي عندي ...و يكفي اني تحررت قليلا من الثقافة الامريكية اللي خاوتانا دي و محتلانا عقليا و ثقافيا و كل حاجة .. دعواتكم

للي عايز يجرب
Search for ( Memrise )or ( Duolingo ) at app store
 or ( pimsleur german ) on any torrent website

هذا والله أكبر ولله الحمد

المصدر

Mostafa Fakhry

تعلم الالمانية مجانا

.
.

.
.